پیغام :
بسم الله الرحمن الرحیم
ویاړم چې د لاسي صنایعو امارتي شرکت په اډانه کې د خپل نظام، خاورې او خلکو په خدمت بوخت یم .
د لاسي صنایعو امارتي شرکت چې په ۱۳۴۵ل کال یې د بنسټ ډبره ایښودل شوې له نږدې شپېتو ۶۰ کلونو راهیسې (چې د انقلابونو ډېرې لوړې ژورې یې هم ګاللې) د خپل ولس د کلتور، هنر او تاریخ په پایښت، بډاینه او ساتنه کې لا هم په خوځښت کې دی او په دې هیله چې خپل عالي هدف ته ورسیږي د هیواد او خپل ولس په چوپړ کې لا هم د بریا لوړ پړاوونه وهي.
مونږ هڅه کوو چې د هېواد د تکړه کاريګرو هنر ته وده ورکړو او د هغوی توليدات په کورنيو او بهرنيو بازارونو کې معرفي کړو. باور لرو چې د لاسي صنايعو پياوړتيا نه يواځې د کلتوري ارزښتونو ساتنه ده، بلکې د اقتصادي پرمختګ او کارموندنې د فرصتونو د رامنځته کولو لپاره هم مهم رول لري.
ژمنتيا مو دا ده چې د لوړ کيفيت توليدات وړاندې کړو، د خپلو مشتريانو باور ترلاسه او د خپلو کاريګرو ملاتړ وکړو. مونږ به ستاسو قدرمنو لیدونکو ، خپلو ټولو همکارانو او مراجعینو په مرسته د هېواد د لاسي صنايعو سکتور ته لا نور ه وده هم ورکوو. ان شاءالله.
په درنښت